رنة خلخال بقلمي / بقلمي/ عبيد آل حريقه

**********رنة خلخال**********
علي رنة خلخال
القلب ياما مال
و قال أحلي كلام ينقال
قال غنوه و كام موال
**********علي رنة خلخال**********
صبيه ماشيه بتدلع
قلبي في هواها هيولع
نفسي لمهرها ادفع
**********علي رنة خلخال**********
غزاله ماشيه في الحاره
عيونها تقول صناره
حلوه و جميله يا سماره
**********علي رنة خلخال**********
علي رنة خلخال ماشية
و علي قلبي خلاص قاسية
يا تري فاكره و لا ناسيه
**********علي رنة خلخال**********
من رنة الخلخال ياني
بنت جميلة و عجباني
ساحره عيوني و. ساحراني
**********علي رنة خلخال***********
رنة خلخال
بقلمي / عبيد آل حريقه
8/4/2015

ليه بتقسي /بقلم الشاعر/ عبيد رياض محمد

ليه بتقسي

ليه بتقسي  عليَّ ليه

وأنا كنت عملت  إيه

ذنبي ما حبيتش غيرك

و عملت بحبك إيه

هاتي جرح لقلبي هاتي

زودي دموعي و آهاتي

يالي كنتِ أملي وحياتي

بعدك إنتِ باقي إيه

ياللي بكيتي عيوني

يا حبيبتي و لم تهوني

ليه  سيباني     لظنوني

أفتكر ماضي وأعيش عليه

حبك إنتِ أحلي ذكري

و إنتِ أحلامي لبكره

إنتِ ناسية ولا فاكرة

و أنا في بعدك أعمل إيه

ياللي ساكنة في فؤادي

و بتقولي لي كله ماضي

لو جرحتي القلب عادي

ما إنتِ حبي و هعمل إيه

راح خلاص زمن الحبايب

و اللي جاي زمن الغرايب

جرح فرح أهو كله صايب

وأنا يعني بإيدي إيه

أصبر يا قلبي 

و أنسي اللي كان

ولا تفتكر أيام زمان

ما اللي حبيته 

في لحظة خان

باع زمانك و مبقيش عليه

بكره جرحك راح يطيب

أصله كله قسمة ونصيب

مهما يغدر بيك الحبيب

دا القدر و أصبر عليه

ليه بتقسي عليَّ ليه

و أنا كنت عملت إيه

بقلمي / عبيد رياض محمد

في شرع مين // بقلمي // عبيد رياض

في شرع مين

في شرع مين
و بأي زمة و أي دين

عمال تفجر عمال
بتقتل في المدنيين

تضرب و تقول الله أكبر
و فاكر نفسك علي صحيح الدين

لكن أنت والله أعلم
ما ليك ولاء غير للملاعين

دينك كفر و عملك فجر
ياللي بتقتل في المصليين

هلل و كبر دمر و فجر
لكن عمرك ما تكسر عزم المصريين

دمر مساجد و أحرق كنايس
لكن هنفضل دايما صابرين

هتقتل محمد و لا مينا
هنفضل بالأمل عايشين

بقلمي / عبيد رياض

يا حبيبي / بقلمي / عبيد رياض محمد

يا حبيبي

يا حبيبي يا ضي النني
ياللي بتسرق روحي مني
لو غبت أفضل مستني
و أسهر علي شوقي ليالي

تتمني عيوني تشوفك
و أنطق إسمك و حروفك
و أنا اللي أشيل منك خوفك
و يرق قلبك و يصفالي

قابلك أنا كنت في حالي
عايش و بقول و أنا مالي
لا عرفت الحب يا غالي
ولا كان يخطر علي بالي

لا أنا قادر أنسي هواك
ولا عارف أعيش وياك
طب قولي إزاي أنساك
و أنت اللي شاغلني ليالي

بقلمي عبيد رياض محمد

مغرورة ••• ★ غنائية ★ كاشف عبدالجواد

مغرورة ••• ★ غنائية ★   كاشف عبدالجواد
*************************************
مغرورة وغرورك قالك .. 
إني أسيرك ...
علشان الحب أنا حبيتك .. 
صدقتي ليه إن انا عاجز 
إني أسيبك ...

علشان الحب ملكتي القلب 
مش بس عشان سحر عنيكي ...
ولا حتى عشان أدك مياس 
ولا حتى عشانها لياليكي ...

قلبي إللي مخاصمك أخلصلك 
دعواته اهي كلها ليكي ...
مشتاق لحد بيشبهلك 
وكتيرانا بفكر فيكي ...

قلبي دقاته بتندهلك ..
يمكن صحيح انا مشتاقلك ..
علشان الحب ملكتي القلب 
مش بس عشان سحر عنيكي ...
مغرورة •••••
"""""""""""""""""""""""""""""""""""""""""""""""
Kashef.   21 - 9 - 2017.

دنيا لامؤاخذة ★ موال ★ كاشف عبدالجواد

دنيا لامؤاخذة  ★  موال  ★  كاشف عبدالجواد
****************************************
عملتي فيا كدا ليه ..   يادنيا يابنت ( الكلب)
أتباع ومن غير تمن .. مغدور ومن غير ذنب 

ملعونة ألف لعنة ولعنة ..   كماااان ملعونة 
كل اما نترجاها تهدى  ..  نلاقيها مجنونة

ياما غرت ناس . وخدعت ناس . وياما ناس 
بيها مفتونة .. ماهي دنيا ولامؤاخذة حبايب ...

''''''''''''''''''''''''''''''''''''''''''''''''''''''''''''''''''''''
دنيا ولامؤاخذة حبايب .. يومين عليك ويومين معاك!
دنيا ولامؤخذة قرايب .. (وشك وشك قفاك قفاك)! ...

م الآخر كدا لازم تفهم  .. (معاك جنيه تسوا جنيه)!
معكش يبقا معطلكش .. حتعيش مديون واخرتها 
كلبش؟
والكل منك يتدارى؟  .. ومن لسانهم ما حتسلمش! ...

فينا زرعناكي ياأسوة؟ ..  ولا انتي طبعك كدا غالب؟
دنيا لاموأخذة ولا تسوى! .. خليك فريش ليه مدايق؟...

من ( كي چي وان  للنادي ) .. غلبنا نهنن  وندادي!

دلوقت ليه بس ياقلبي .. احنا في وادي وهومه في وادي؟ ... دنيا ولاموأخذه. حبايب؟!.....

*************************
Kashef.    5 - 7 - 2017.

فاكر ... ★ كاشف عبدالجواد

فاكر ... ★ كاشف عبدالجواد
///////////////////////////////////
فاكر لما كنت تنام 
وتصحى تلقاني 
جنبك ..

تطل بعيوني تلاقي 
ضحكة تقراها
بحبك ..

كنت أمالي اللي انا
اتمنيت نعيشها ..

كل احلامي اللي انا
اتمنيت نشوفها ..

إنما انت أسيت عليا

كنت غامض كنت 
طيب 

ولا كانلك بالغرام 
اكبر وسية

سألتك كتير مالقيت
جواب يشفي غليلي

دوبتني الحيرة دووب 
بالظنون إنشق ليلي

شقيت .. مشيت 
واهو طال عذابي 

ويهون عذابي انما انت 
ولا يوم تهون ...
فاكر .....
/////////////////////////////////////
Kashef.   19 - 9 - 2017.

طرح سيجالي ... ★ كاشف عبد الجواد

طرح سيجالي ... ★  كاشف عبد الجواد
بمنتدى عذب القصيد
14/9/1017.
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وين يلاقي اللهم
صدر حنون غيري
قسيت الدنيا علي
واتغربت عن طيري
•••
يايوم لقاك يالحبيب
كان قلبي متهني
نضحك ملو عيووني
وكفي متحني ...
ياااا ياابوووي
•••
ونسايم اللقا بتلوح
من بعيد بسلام
حقك علي يالحبيب
لو مرت الأيام
قمر في سمايا وحيد
وحال مابينا غياام
من بعد سهرنا
قمرنا انطفا نورنا
واهو دا اللي صار
وكاان .. حبييبي
•••
يافجر قرب من
مرافينا
بدفاتر الحضور
ياللا
اكتب اسامينا
•••
قالوا اللقا نصيب
والهجر داكان لييه
نصيبنا وحدينا
ييااااعيوووني
•••
الحب نور لا يطال
    إلا من صفت
       قلوبهم
فمن إين له النور
        ينفذ
لو أن السواد قاتم
•••
لن ستقيم الأمور هكذا
بين منعة وعذاب
من قال لك أن الهوى
يزداد لو أن طال غياب
•••
ذوبت العشق في كأس
آه لو أن لي منه برشفة
خمر معتق لا ثمالة فيه
بل غي وتييه ورجفة
•••
وآه إذا تبسمت
تخلا الليل ودجاه
جميلة المحيا هي
السحر والماه
بدر منيير غفا
على سحر ابتسامة
حمر الخدود
والسحر أكحل عيناه
وليل لفه من خلفه
لكن أبدا ما خلاه
محاكاة صورة
•••
جميل وكل جمال
يخشى
على نفسه جمال
رقيق الحس
والهمس من طرب
كريم العم والخال
•••
يابنت عمي دعك
ممن يغاروون
فأنت من أنت وهم
للحقد قاروون ..
•••
يانعسه وانا ايوب
الصبر ذوبني
كل المفاتن فيك
وشوقي غربني ....
•••
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
Kashef.   14 - 9 - 2017.

مسألتش عني !! •• ★غنائية★ كاشف عبدالجواد

مسألتش عني !! •• ★غنائية★  كاشف عبدالجواد
""""""""""""""""""""""""""""""""""""""
خيبت  ظني  فيك 
مسألتش عني  ليه 
إيه بس إلي يخليك 
تخاف  مني  عليه ••

قلبك لخضر دا حبيبي
وسعادته أكيد تسعدني 
مش حفرض نفسي عليك
طب ليه عنك تبعدني ••

ولا انت خوفت–تصدقني
وغصب عنك–تعشقني 
امال لو كنت——–تقرب
فيها إيه لو كنت–تجرب ••

حرارة نبض وصهد يشد 
متحسش ثانية إنك وحدك 
إحساس بالحب وَلَّهْ—ممتد
من عندي هنا لغاية عندك ••

ولا الغرام ولا الهيام ولهتمام 
ورغبة دايمه بالوصال 
إحساس جنان .. لما الحنان ..
يحضنك .. ولا الأمان عليك 
يسمي •• قولي ليه؟ مسألتش عني!! •••
""""""""""""""""""""""""""""""""""""""""""""""
Kashef.   18 - 9 - 2017.

م حبتنيش ... ★ غنائية ★ كاشف عبدالجواد

م حبتنيش ... ★ غنائية ★  كاشف عبدالجواد
///////////////// //////////// ///////////////////////
إنت حبيت فيا غرورك
حبيت نتعذب وجا دورك 
م حبتنيش ...
\\\\\\\\\\\\\
إسأل لياليك وغيابك
مع مين كنت بتسهرها
أحلام جوايا شايلهالك
كنت بترجع تكسرها
\\\\\\\\\\\\\
ياقلب مالوش ضمير
أناني بتعشق إسمك
ياغدر مالوش تفسير
غير انك حبيت نفسك
\\\\\\\\\\\\\
خلاص ماعدش ينفع
ولا حيفيد العتاب
ياللا كمل ليه ترجع
أنا عارف إنك كداب
\\\\\\\\\\\\\
إنت حبيت فيا غرورك
حبيت نتعذب وجا دورك
م حبتنيش .....
//////////////////////////////////
Kashef.   17 - 9 - 2017.

قالوا 0 وقولنا 0 وقال ★ كاشف عبدالجواد

قالوا 0 وقولنا 0 وقال  ★  كاشف عبدالجواد

ooooooooooooooooooooooooooo
ياغنوة الحب الجميلة
يانبض الحرف والموال

أطل فعنيك ألمح 
الفين سؤال وسؤال

نحب الخير وعندي 
ضمير نفرح نطير
لوصوت زغرودة قال

تجرحني دمعة طفل 
لو حتى طلبه محال

ونعز صاحبي نصونه
عيشه وملحه ياخال

وجاري جاار الهنا
ولايوم خصامي طال

واعشق ترابك يابلدي
لو حتى دمي سال

قيمة وسيما تلاقيني
متغيرنيش احوال

نخاف للعيبة تطولني
لساني عمره مقال

والعرض فرض ياعمي
مانسيت ان ليا عيال

كل البشر احسن مني
ميزعلنيش ولا يقهرني
غير قالوا وقولنا وقال ooo
000000000000000000000
Kashef.   17 - 9 - 2017.

ثِمَارُ اَلهَجْرِ !! .. ★ كاشف عبدالجواد البحيري

ِِِِِِِثِمَارُ اَلهَجْرِ !! .. ★    كاشف عبدالجواد البحيري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ِِِِِِِثِمَارُ اَلهَجْرِحَان قِطَافَهَا
شَوُق إليكَ في إندِثَار

بُعْد يَشْتَاقني أكْثَر
حُب بَادَرَني إنتحار

لُعبَة كَم كنت تَلْعَبها
أَدْقِنُهَا الآن بإقتِدَار

جَارِيني صدا بِصَدِ
تَطرَحُ للهجر ثمار

هَيَّا تَذُوِّقها مَعي
حُلْو أن تَنْعمَ بمرار

كِبْر كَم كُنتَ تُغَالي
هَيهَاتَ ألآنَ استكبار

سَيلُوك الآه تِلْو الآه
سَيَهِيم يَميناً ويَسار

لن تَهْنأ بَعد الآن غُلُوا
لِرَجَائي مُحَال إستمرار

سَيطَالك مِنْي لَوُعَة
تَكوي أحشَائَك بِالْنَار

ذَنْب التَجَنْي عَلى قَلْبي
لن يَفَلَحَ مَعَه اِستغفَار •••••
:::::::::::::::::::::::::::::::::::::::::
Kashef.  16 - 9 - 2017.

حرث سيجال .. ★ كاشف عبد الجواد

حرث سيجالي 
حروف بعطر الامس ...  
★  كاشف عبدالجواد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
صباحكم محبة 
تبعث في القلب 
نقاء وطمأنينة
،،،،،،،،،،،،،،،،،،،،،،،،،،،،،،،،،،،،،،
خيوط الأمل تجنت 
عليها رياح اليأس
في مواسم الهجر
ومحطات لنتظاار
أي معتوه هذا الذي 
احببت ...
Kashef.
عنفني دائما 
عتابها 
فماتت لها 
بقلبي زهرة
Kashef.
ظننت أني 
وبعد ايام 
قليلة
ساأشتاقها
..لم يحدث
هذه المرة!
Kashef.
صفعتها الدنيا
وبقسوة
ولما رفعت 
يديها عنها
صفعتني ..
Kashef.
غفرت لكل من 
وطأها لكل من 
داسها ولمن 
مجدها أبدا لم 
ترقى ..
Kashef.
دعك منها ولا تجعل قسوتها 
تطفو على صفحة القصيد ..
وتعالى نتغنى للحب.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
أمنية أنت طالت يراعا 
فأمعن البوح..تغزل

وتبتل الهوى من فرط 
وجد توسل ..
Kashef.
أن أمنحيني جواز 
مرور نحوك ذلك 
أجمل ..
Kashef.

فأنا صنيعة
الوفاء
وكل إنتماء 
وإن العطاء 
تمهل ..
Kashef.
في الحب أحب
الحياة فيه
تجملت وتعطرت
زوفت عروس 
إلينا..
Kashef.
نداعبها ننتشي
من بسمة ثغر
تبسم
وبنهم تجدينا
نحيااها أكثر
فأكثر..
Kashef.
طوبا لمن وفا
وعطائه أزهر ..
Kashef.
بساتين من الود أنت
هكذا أراك محبوبتي  
إليك كل القرابين 
فروض ولاء .. 
وإليك ..طقوس الهوى 
Kashef.
ستعتزين بنفسك 
كثيراحتى وان طالك 
غرووور .. لابأس .. 
لأني أؤمن بأني لهذا 
خلقت ..
Kashef.
سأظل طيلة عمري 
أسألك عنك ..
أخاف بأن تطالك
لحظة شرود وأنت 
معي ..
Kashef.
ستسألين نفسك كثيرا
من هذا الذي لا اعرفه
بعد كل هذه السنوات
متجدد أنا..
Kashef.
أؤمن بأن قوة المرأة 
في لينها ورقتها وإن
ثااارت .. لدي شيفرتها
هههههه .. 
حتما سأحتويك أنا
Kashef.
لا أحبذ أن تبات
يمامتي خارج
عشها..
أنا لا أطاقه إذا
ما عطرته انفاسها
Kashef.
معشوقتي انت
حتى لو اني 
مجرد حبيبها 
يكفيني هذا 
ويزيد ..
Kashef.
شرقي انا في 
حميتي واهتمامي ..
غربي تجديني 
لن أجبرك على شيء
اطرب عندما ألمحها 
نظرة الرضا في عيونك
.. محبوبتي ..
Kashef.
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
واخيرا وليس آخرا استمتعت بتواجدي
بصحبتكم مبدعي العطر ..دمتم برقي 
وتميز إلى لقاء يجمعنا ..دمتم بأمان الله
Kashef.
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
Kashef.     16 - 9 - 2017.

رِفْقَاً ... ★ كاشف عبدالجواد

رِفْقَاً ...  ★   كاشف عبدالجواد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يَتْبَتَلُ  
إليها الهوى رفقا
لا تباريه شقاء
شوق يَشِقُ شِقَ  
مضجعه
وَلَّهٌ يزيده فتنة
وعناء
نير في الحشا 
مستعر
ومن بعيدترقبين
شواء
ياضحكة إبليس
وحكمة بلقيس
زليخة أنت إذا ما 
أردت غِوَاءَ    
وهو الوليد الشيخ
صِنْعَتِهِ الهوى
إذا ما طواك تزلزلك 
أنواء ..
فُلُوكَةٌ مسجاة أنت
على صفحة الهوى
اه لو أن لي المجداف 
لرتحل نحو الأعماق 
ظاافر معتوه .. 
لا يعلم أن النجاة 
من الغرق 
فيما لو خَلَّاه .....
رِفْقَاً \
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
Kashef.    14 - 9 - 2017.

★ صلاح عطية ★ عطاء لا ينضب ★ پقلمي كاشف عبد الجواد

★ صلاح عطية ★ عطاء لا ينضب ★  
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سيد النبلاء ...
مضى قطار العمر سريعا كفيت 
فاضت الروح السمح لأمر ربها 
وفيت.. لكن عطائك باق لن يموت.
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
للسلم 
كم كنت تجنح 
لفعل الخير كم
كنت منحاز تجود

ادرت ظهرك للدنا
فأتتك طائعة
لكن أبدا ماشغلتك 
عن ركوع أو سجود ...

أياجليس القرآن 
طب مقام 
عند رب رؤف ودود ...

وانعم بجنة الفردوس 
هناك خلود ...

غلمان مقربون يامن 
حرمت الولد والمولود ...

وحور عين 
يامن غضضت البصر
من غير رياء ولا كمد
بل في ثبات وصمود ...

تاجرت مع الله فما
زادك سخاء العطاء
إلا عطاء وزهدا زهود ...

ربحت تجارتك وما 
رأيتك الا من شكر 
ومن حمد ومازلت
تجود ...

كل فتنة عند حدك
كنت اراها صاغرة
يامن نشدت خلود ...

ياصاحب القلب الودود
لكم عفوت عند المقدرة 
ولكم راعيت حدود ...

سيد النبلاء انت ياسيدي 
سأحدث عنك ولاحرج
أيا نبراس كل عطاء وجود .....
---------------------------------------
( عمي الحج ) كما كنا نناديه وهو من هو ...
رحم الله صلاح عطية رحمة واسعة .....
---------------------------------------√
Kashef.   11 - 9 - 2017.

عرفت تأسيني ★ كاشف عبدالجواد

عرفت تأسيني  ★   كاشف عبدالجواد
*******************************
واللا وعرفت 
تأسيني 
ياحبيبي عليك
لا عاد قربك
بيسليني
ولاعاد شوقي 
بيفكر فيك ...

أول مرة نلمح 
طيفك 
وقلبي يكمل 
في طريقه ..
كدا عادي 
وميسلمش ...

أول مرة نسمع 
صوتك 
وألقاني مكمل 
فخصامك 
ومنستسلمش ...

ولاعاد يطربني 
ويشجيني 
ولا عودت 
بدووب 
في كلام 
ولاهمس ...

واللا وعرفت 
تأسيني ..

لا عاد لي 
حنين 
ولا بيا أنين 
ولا عادلي 
كمان 
في الحب 
كبير ...

كل اللي 
انا شوفته 
وآسيته 
وكتمت 
فقلبي 
وداريته 
خلاني نقول 

من غير تفكير ...

نتحمل بعدك 
وغيابك 
ارحم بكتير
لا عدت ملااك
ولا عاد لهواك
احساس وضمير
واللا وعرفت 
تأسيني .....
*************************
Kashef.   8 - 9 - 2017.

أوترحلين؟ ... ★ كاشف عبدالجواد

أوترحلين؟ ...  ★  كاشف عبدالجواد
*******************************
إلى أين؟ 
لم يئن اللقاء!! 
وطيف فراق؟ 
لاح في الأفق!! 
أوترحلين؟... 
أقادمة إليا؟ ..كنت
أم عني راحلة؟..انت 
عرابة حلم! مرسوم ..
على خصر ..نحيل 
يتمايل ..رطبا لنخيل 
ثمر بلا ظل وسحابة 
صيف ..ينشدها خافقي 
الظمآن قطرا ..
وماحباني ظلها 
غير لهف وضنين ..
على مهل لاتسرعي الخطى
لا يغرنك لون الشفق
وخداع اصيل ..
واذا رأيت الشمس
تنشد الغروب
لا ..لا تستجيبين 
سويعات وتعود هي ..
فهل لي منك بشروق 
لو تغربين ..
يامهجة القلب رويدا ..أوترحلين؟!.....
******************************* 
Kashef.    7 - 9 - 2017.

شكرا ان منحتيني حريتي ★ كاشف عبدالجواد

شكرا ان منحتيني حريتي  ★  كاشف عبدالجواد
""""""""""""""""""""""""""""""""""""""""""""""""""""""""
سحب من دخان
لملمت صفحاتها 
عن سمائي 
رحلت 
عادت سمائي 
منذ عام 
لم اراها صافية 

خلا صباحي اليوم
من تنهيدته الحائرة
عاد لفنجان قهوتي 
وجهه المبتسم
بالقرب من الشط
اسمع صيحات 
النوارس ..
فأل حسن ..
لم تختر الرحيل 
معك هذه المرة

كل شيء أراه 
طبيعي 
حتى غيابك 
لايشغلني هذه المرة
يطول ام قصر
لأول مرة منذ عام 
أراني صافي الزهن
على الحياد 
لست مرهونا بفعل احد
شكرا ان منحتيني حريتي
"""""""""""""""""""""""""""""""""""""""""""
Kashef.   4 - 9 - 2017.

وحشتيني***** ★ غنائية ★ كاشف عبدالجواد

وحشتيني *****  ★ غنائية ★  كاشف عبدالجواد
وحشتيني*****  ★ غنائية ★  كاشف عبدالجواد
*********************************
وحشتيني ياعمر الحب 
ياضحكة عمري وسنيني
كتير كتير .. كتير كتير 
وحشتيني 

وحشتيني يانبض القلب
ياهمس يداوي في حنيني
ياصوت كروان لُهْ ضحكة
جناان بتطربني وتشجيني 

ياغنوة وليها كام موال
في بعدك عمر ليلي مطال
ولا غيرك شغلي باال
من الآخر سكنتيني 

ولو نحسب في عمر الحب
تكوني انت
ولو نسمع نداا للقلب
يِنَادِكِ حببتي انت

يانظرة فيها الف سؤاال
وكل جوااب بيرضيني
ياحيرة عمرها لحظة 
بكل الحب ترووق تصفى 
ينادي القلب وحشتيني ..... 
***************************
Kashef..... 29 - 8 - 2017.

ذنب مين؟ ★ غنائية ★ \ كاشف عبدالجواد

ذنب مين؟  ★ غنائية ★  \  كاشف عبدالجواد
************************************
ودا ذنب مين بتخلصيه مني
طول عمري عايش في حالي
ما اسيتش انا على حد ...

احتار دليلي معَاكِ وخوفي قاتلني
ومصيري متعلق لنا طايل سما 
ولا ارض ...

كانو قالو زماان واِلْقُولَه عجبتني
وحصادي كان المر ليه لما زرعت 
الشهد ...

ياضحكة حلوة سمعتها كام مرة
من نفسي 
وسابتني اشكي غربتي ماشفاني
منها رد ...

ملعون ياحب الف مرة. ومرة كمان 
ملعون
لو كنت كما عشتك انا كلك اهات
وظنون ...

ملعونة كمااان انت .....
*********************************
 Kashef.   28 - 8 - 2017.

أمرك عجيب؟ ★ كاشف عبدالجواد

أمرك عجيب؟  ★  كاشف عبدالجواد
**********************************
ياللي بتفهم في الغراام
اوصفلي انا وصفه ..

إزاي يجرحني حبيبي
ونروق قوام نصفا ..

ياللي انت حبك بالجراام
وميزانك قوي حسااس 

اتوصى بيا شوي 
ولاهو كلام وخلااص 

الرك ع النية ولا على 
الإخلاص

وليه اللي حب ماطالش

واللي طال اهو طال 
كدا وخلاص

دنا من كتر الآسيه
حرمت قولت يانااس

لا كنت في يوم قريبي
ولاانا من بَقِيتْ اهلك  

كان ايه علقني بييك
حتى ان غبت انا نِهْلَك

أبعد الاقيني مشتاقك
اخاصمك انسى واندهلك

ومهما ان عملت فياا 
ما نفتكرلك أزيه
ولا يوم عليا تهوون 

ولا يوم نفرط انا ..
ولا يوم نمل نصوون 

ولا غير حبيبي نقولك
ولا غير حبيبي تكون

ساعات مهنيني وايام 
مبكيني 

ابعد. تقرب. واقرب 
تقول كان على عيني

امرك عجيب محيرني
ظالم ولاصحيح مظلوم

وانا بس عليك مصبرني
قلبي انا المحروم .....
،،،،،،،،،،،،،،،،،،،،،،،،،،،،،،،،،،،،،،،،،،،،،،،
27 - 8 - 2017.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،