حسك بالدنيا يابيه ★ كاشف عبدالجواد
***********************************
وسجارتي لما غلت
شربت أنا جوزه
حسك بالدنيا يابيه
شبعت أنا عوزة
وعيالي أهم جعانين
وأهي دبلت كمان لوزة
مديون لشوشتي وديني
ركب دلدل كمان رجليه
وحالي يصعب عالكافر
مصعبتش عليكم ليه
وعيالي حواليا عرايا
فضلة خيرك يابيه
ولحمة بلدنا بقا مهرها غالي
لقمه وتاهت هويتها
ما بين برازيلي وسوداني
والفرخة حلفت براس ابوها
لنعرفوا قيمتها
روحنا اشتكينا للسمك
قام قال ... منا كمان غالي
كرهنا المعايش ولا المعايش
هيا اللي كرهتنا
والله وسكنك معانا
الهم يابيتنا
ونطل حوالينا نلقي الخير
عند جارتنا
واحنا إللي غمنا غم والفرحة
هجرتنا .....
وحسك بالدنيا يابيه ...
****************************
Kashef. 29 - 6 - 2017.
