لماذا عدت ؟ ! ★ بقلم الشاعر / كاشف عبد الجواد

لماذا عدت ؟ !   ★   كاشف عبدالجواد

********************************

صعبت عليك ؟ 

أم أنك 

إشتقت إلى ولعي ؟

يامن إليك كان حبي 

ووفائي 

ونبض ولهي 

ليتك ما عدت  

وتركتني هائم بدربك

الذي هو دربي 

ما هان عليك تتركني 

وبقايا من حلم 

كنت فيه انت حلمي ! 

لماذا ؟ عدت ياحبيبي ! ...

صدقت كل همس 

كان منك وهذا جل 

ذنبي ! 

تركت دنياي ورحت 

أجتبيك خاب 

ظني ! 

تركتني ملتاع أجني 

جمرات الجوى ؟

أواسي أيام خوال 

علها تمر .. فطال 

كربي !

لماذا ؟ عدت ياحبيبي ! ...

لن أشكوك لغير الله 

حبيبي .. هو وحده 

حسبي 

ما كنت أنتظر 

منك عود ولا وعود !

وما كنت نفسي 

بالقرب أمني ؟ 

فقط إكتفيت بصورة 

هي لك وحدك  

كنت أراها بعين قلبي !

عدت حطمت الأماني كلها ؟

خذلتني ! 

وبكت لبكائك 

داخلي كل المعاني ! 

إي وربي 

لماذا ؟ عدت ياحبيبي ! .....

**************************

Kashef.    20 - 2 - 2017.

ميهمكيش / بقلمي/ عادل حماد

ميهمكيش
انا هصبر تانى
يمكن اللاقى شوق وحنين
بعد ما قلبك بعنى نسانى
وخد من عمرى احلى سنين

لسه بحبك هفضل جانبك
وانسي الهجر أيوه بقولك
طول ما الدنيا لسه بخير

ولا دى عادتك وانا مش قدك
كل ما اعاتبك تنسى بحبك
وتقوليها لى ناس تانين

لا والله يكون في علمك
ياريت بايدي او كنت أملك
ماكانش ابدا غلبني أمرك
ولا شوفت معاكى الويل

وإن كان ع الحب
ده حاجه مش غصب
له بالخوف ولا بالضرب
وصدقيني له الف دليل

ميهمكيش
انا هصبر تانى
يمكن اللاقى شوق وحنين

أيوه بجد طول ما إنتى فى بالي
وليل ونهار دايما شغلاني
هفضل احبك زاى الأول
ويمكن واللا أكتر بكتير

ميهمكيش
كلمات
عادل حماد

(زى النهارده) / بقلم الشاعر/محمد الشاذلى

)زى النهارده). ٢٥/يناير/٢٠١٧
 #######################

زى النهارده من سنين.............................سته

قاموا الولاد يعدلوا الفرع اللى كان...... مايل

سنين طويله وكل العباد ................ساكته

بتصرخ بعلو الصوت و ساعات..... بتتحايل

ناس ما لا قيه اللضى و ناس عايمه ف الفته

و اللى ف و سطيهم ساكت يدوب........طايل

قوته بالعافيه ومزوى كده ............ف حته

مقضى يا دوبك يومه و من الهموم.... شايل

خايف على ولاده لو حد راح تجيله بالسكته

زى النهارده من سنين .....................سته

قاموا الولاد يعدلوا الفرع اللى كان.... مايل

دول مش عيال ابدا .......اسف دولم ابطال

شبابهم زى الاسود حتى البنات........ مغاوير

قاموا يشيلو ف ظلم .......عمال على بطال

وكان رأيهم واحد............. اللى بيجرى كتير

لازم بلدنا تنصلح و تكون ف احسن حال

و قامو ا على قلب و احد قصدهم تغيير

للحال بكل ما فبه حتى النظام........ يتشال

وكان الاتفاق واللقا جوه... ميدان التحرير

متعرفش مين مسلم ومين مسيحى ..أمال

فيه م الصعيد جايين .....وكمان من الدلتا

زى النهارده من سنين...........................سته

قاموا الولاد يعدلوا الفرع اللى كان.. مايل

و منهم شباب ياما مرجعتش تانى لبيتها

خدهم رصاص الغدر..... لا عقل ولا فهامه

زهور وقطفوها فى عز...................زهوتها

علشان كانوا طالبين عيش حريه و كرامه

راحت الولاد ببلاش ......راحت بحسرتها

لا تعدلت الاحوال ولا رجعوا .....بسلامه

و غيرهم ركب للموجه و قسموا التورته

والفرع بقى ملوى ....جيبها يارب جمايل

زى النهارده من سنين........................سته

قاموا الولاد يعدلوا الفرع اللى كان مايل

الشاعر/محمد الشاذلى

( رؤية متواضعه ) / كلمات / مجدي فرحات

( رؤيه متواضعه )
*******************
 تفرق كتير ف الزمن ده

بنشوف ناس كتير

عايشه ذلها بمزاجها

لا في حق ولا ضمير

متغيرش يوم حالها

تعرف اللي يدفع كتير

و يفضل هو سيدها

يا شاطرتها ف التبرير

مين اللي يقدر يغلبها

يا حلاو تها يا جمالها

تفرق كتير ف الزمن ده

هنشوف ناس طيبين

لا ليها بخت ولا نصيب

من يومها المرار زادها

تتعب وتشقى ياه كتير

مشفتش حد يوم قدرها

بكلمة حق ف سجن كبير

ولا جاش يوم حد زارها

تفرق كتير ف الزمن ده

باللفلوس دا الظلم أمير

دنيا أسيه وليها ناسها
******************
 ( رؤية متواضعه )

كلمات

مجدي فرحات

سمراء / بقلمي/ أحمد عيسي

سمراء
 ====

خانني كل شيء ..
حتى التعبير في وصفك
ما عدت أفتكرُ ...
لا أعرف ما ذنبي فى الهوى
 لاكنِ بإسم الشعر أعتذرُ

كيف أمضي وأترك مملكتا
أنا فيها العدل والحكمُ
كل كلامك عنى باطلا
وإسألى عنى الشمس والقمرُ
أنا حبيب عمرك قاتلتى
 أرجعى القلب عن العناد والكبرُ

شفتاك أنا من حدد خرائطها
فكيف أصف ما يتوه العقل لو وصفُ
دعينى ألمسك إن الشوق بالعروق جمرا
ومن غيرى على ثغرك ينتحبُ
دموع القلب بات الليل يخرسها
 وعرب الصحراء لأنين قلبى قد فظيعُ

أسقطى أمطارك الطاهرة على رأسي
وذوبى فى ضلوعى حتى مطلع الفجرُ
غيرك والله لن ترضي فؤداى
حبيبتى إن تلمس الحجر يصبح ذهبُ
قصائدى تبدأ بإسمك سيدتى
 من غيرك كل قصائدى تندثرُ

ودعت كل شيء حبيبتى
ومازلت أنتظر رحمة القدرُ
أذكر عطرك المرسل إلى رئتى
أمن القلب وعلى صدرى أسمك قد حفرُ
إنى أحبك لكل العشاق أكتبها
 والعين بالدمع تنهمرُ ...

سمراء .. ويح النساء من ملهمتى
كل العيون لوجهك قد حسدُ
خلقا أنتى دون الذى أعرفهم
 وأنا بشرا لا أملك سوى السمع والبصرُ

#أحمد_عيسي
 شاعر البنفسج

انزويت بعيدا أحاول عبثا / بقلمي/ بعض كلمات

انزويت بعيدا أحاول عبثا
الهروب من واقعي وذكرياتي .....
من آلام تشد وثاق اليأس ...
وتعكر دائما صفو حياتي ...
حتى الدمع تحجر ...
وتآمر والغصة على أنفاسي ...
رميت في شاطئ الأمل ...
كل حلم يشتهي بسماتي ...
وودعتها ربما يرنو منها
فرح يطوي كل معاناتي .... 

بعض كلمات

** حلم** / كلمات / أندرو فرج

** حلم**

رجعت من غربتي رجعت هويتي
أمتلكت حريتي
تحققت أمنيتي الحمد لله على
سلامتي
رجعت فرحان ومنصور لعائلتي
وطن جميل اكتملت فرحتي
تحققت أمنيتي

أحتفلت أنا واصدقائي بميدان التحرير
نلنا التحرير
في كل شوارع المحروسة من فرحة
عارمه تجعلنا نطير
لا يتعرض لنا ضابط أو غفير
ولا إحياء يقطنون ترب الغفير
الخير عارم والحب على الوجوه عائم
خلي الأعمى بصير
المظلوم نصير شعب من الفرحة يطير
كل شئ ببيته مخزون ووفير ومن كثرة
الخير يرمي للحمير

ذهبت لأصرف كام دولار
نظر لي الصراف بأستحقار وقال أأنت
حمار
شايل بجيوبك دولار
الجنيه تركه وطار
صار باتنين دولار
رجعت من غربتي رجعت هويتي

رميت في الزبالة جواز سفري وكل
أوراق سفريتي
وبحثت في أوراقي القديمه بين
أوراقي بخزينتي
البطاقه منتهيه ولا شئ يثبت
هويتي
ذهبت للسجل المدني بمدينتي
فأستقبلني رجل وسيم ويضحك في
خلقتي
وبأبتسامة عريضه ويأخذ مني
أوراقي

جو يسوده الهدوء والمحبة مسئول
في خدمتي
استأذن حضرتي محتاج طابع شرطه
لبطاقتي
فوضعت يدي بجيبي واخرجت
خمسون جنيها لأنهي مهمتي
أبتسم وقال عيب يابيه الطابع بجنيه
حابب تشيل قضية ولا أيه
قلت أعذرني راجع من غربه وفاكر
الوضع كما هو عليه

شلت حالي وطلعت علي القسم طوالي
ماشي أكلم في حالي
هتتنفخ يا غالي
أنا بالقسم مالي
رايح وفاكر طوابير كتير وواقف ضابط
وعسكري وكام غفير
وشتيمه وسب وكلام كبير واستنوا
شويه يا ولاد الحمير
طلع تفكيري حقير
شرطه بتعاملني بحب واحترام كبير
وسواسيه صغير ولا كبير
قال أيه وأنا إللي كنت بدور علي
وسطة غفير
 ماهو ده بالنسبالي وسطه وكمان كبير

أول مره أحس أني أنسان
مواطن مصري وليا كيان
وما شوفتش في الأقسام حد بيتهان
رجعت البيت لقيت عيل تعبان
خدته وبجري علي دكتور معرفه من
زمان
ملقتوش وملقتش عيادة زمان
أتصلت عليه قالي في المستشفى
بعالج كل أنسان
علاج بالمجان وكشف بالمجان
راحت فوضة زمان

ولقيت إبن الجيران لابس ومتانتك كمان
قلتله رايح فين ياض يا فلان
قالى اتعينت وبقالي راتب وتأمين كمان
أبتسمت وقلت ملعونة أيام زمان
لما كنا بنتهان
من الثوره أنا الكسبان
رجعت كرامتي ونسيت الغربه والحرمان
وطن ساده العدل وأنعدلت كفة الميزان
أفرح يا مصري وأرفع رأسك في كل
مكان
حقك خدته في بلدك هتاخده في كل
مكان

وأنا بهلل وفرحان
رن تليفوني المزعج وكان مهندس موقعي
قال الموقع من العمال خالي
وليه الشغل عطلان
صحوت كجنون زمان
شوية مايه علي وجهي الفرحان
رجعت كشورة زمان
والاكتئاب والحزن على مصرزمان
لا مكاسب ثوره ولا حق
شهداء أتى
الله يكون فى عونك يا فتي
لا عيش ولا حريه ولا كرامه أنسانيه أتى
ملعون برد الشتاء
عليك يا صقعان

كلمات أندرو فرج
26/1/2017