ياميت نجف ★ أوبريت ★ تأليف/كاشف عبدالجواد

ياميت نجف ★ أوبريت ★ تأليف/كاشف عبدالجواد 

*********************************************

ياميت نجف على ليل ياعين عزف أرغول 

صبح الصباح وأهو اتلون بكلام ولو إنه

مش معقول !..

والحلوة اهي قامت تعجن في الفجرية 

والديك بيلطم على وشه إيه ياوليه !..

إيه ياوليه ...

عيال مايعجبها العجب 

تعبت واللا ياخويا كمان

متغضبين .. قال إيه 

أصفر لونه .. كدا ليه 

البط ياما بالبرتئان 

وإحنا بأول رجب

والبنت عمال تنعكش 

في حاجة رمضان 

والواد مش عاجبه آيبادو 

ولا لاقيه صدى لمشاركاتو 

يدوب كام لايك مفيش تعاليق 

بيقولي كمان النت بطيء 

بقا هوا دا .. الي مزعلك 

عالصبح وم .. كدرك 

ميت مرة اؤلك تعملي 

حساب الولاد 

في جوزين حمام آه يناري

وكام حتة لحمة جزاري 

والبنت بتنعكش في إيه 

دول حبة فزدق وتسالي 

على جوز ولوز وعين جمل 

أما بخصوص حاجة رمضان 

حتى لو رافعه حواجبها 

أكيد حاجيبها مش محتمل 

والواد أيبادو بادو حيتغير 

النت كمان سرعته حتزيد 

دا أكيد ...

بس قوليلو لما يشير 

يعمل إشارة لصحابه 

تعاليقه تزيد ...

مشاكل الحياة مبتنتهيش 

ياخواتي بس أروح لمين ...

هق هق هق .. والهق هق 

دا يبقا إيه .. دي  ضحكة

إسماعيل ياسين .. ياميت

نجف على ليل ياعين .....

*************************

Kashef.   2 - 4 - 2017.

كداب وعايب ★ غنائية ★بقلمي★ كاشف عبدالجواد

كداب وعايب ★ غنائية ★بقلمي★ كاشف عبدالجواد
*********************************************
كداب وعايب ومعدش كدبك يخيل عليا
عملتلي البحر طحينة وياماشوفت منك أسيه

دنا كنت فاكر إنك ياواد فتك أوي
ومقطع السمكة وديلها وفهلوي

اتاريك ياواد كدبة كبيرة
عشوائي وبق على الفاضي وفوضوي
ياخسارة علامي فيك .. كآبتني .. كداب وعايب ...

إياك كنت فاكر إن الحكاية مجرد كلام
ولوك لوك  لوك لوك عالفاضي كدا والسلام

كآبتني وبقيت ماشي كدا بوزي شبرين
تعبتني واللا ماعارف أودي وشي من الناس فين

كان صعب عليك تبقا معلم يبقا اتعلم وبلاش تزيط
مش حنقضيها منظرة بلا مصغرة بطل تنطيط
ياخسارة علامي فيك .. كآبتني .. كداب وعايب ...

حوراتك كترت والوقت مهوش في صالحك
والنية لو مش خالصة تبقى بتضحك على نفسك

حتقدر تكتب ع الميه عطشان إمبو   
ولا حتمشي على الحيطه ياناس ياهو

إسمع كلامي وإرحمني يابني ماتتعبنيش
كل الي كان بيني وبينك بح خلاص ماتلاقيش
ياخسارة علامي فيك .. كآبتني .. كداب وعايب ...
*********************************************
Kashef.   31 - 3 - 2017.

أدي 1 / 2 / 3 بقلم الشاعر / كاشف عبد الجواد

أدي 1 / 2 / 3   ★   كاشف عبدالجواد

********************************

ادي واحد إتنين تلاته

بيكفي يادنيا وبزيادة !

قالتلي قول انت الأول

تعرف تعد لغاية كام

من صغري بعد وبعدي

ولا غيرت فيا الأيام

قدمت السبت وكان ودي

أتاري عشمي كان أوهام

آه‍ 

يازرعة طرحها عالقد

لاسدت رمق جوع أصحابها

ولا طرحها أبدا يوم مد

‍ 

وآه‍ وآه‍  يانا المجروح 

جرحي بينزف من جواي

وآه‍ وآه‍ يانا المدبوح

ولا قادر أصرخ ولا أقول آي

أقرب ماليا فاتوني 

وكتير صحاب خذلوني

وعن الحبايب ياما عشنا

قصص تنفع تكون روايات

وأدي واحد اتنين تلاته

بيكفي يادنيا وبزيادة !

************************

14 - 3 - 2017.

رنة خلخال / بقلمي / عبيد آل حريقه

**********رنة خلخال**********

علي رنة خلخال

دق القلب و مال

قال أحلي كلام ينقال

قال غنوه و كام موال

**********علي رنة خلخال**********

صبيه ماشيه بتدلع

قلبي في هواها هيولع

نفسي لمهرها ادفع

**********علي رنة خلخال**********

غزاله ماشيه في الحاره

عيونها تقول صناره

حلوه و جميله يا سماره

**********علي رنة خلخال**********

علي رنة خلخال ماشية

و علي قلبي خلاص قاسية

يا تري فاكره و لا ناسيه

**********علي رنة خلخال**********

من رنة الخلخال ياني

بنت جميلة و عجباني

ساحره عيوني و. ساحراني

**********علي رنة خلخال***********

رنة خلخال

 بقلمي / عبيد آل حريقه

ياشاعرَ الخلواتِ**** البحر_الكامل / بقلم/ عبده_عبدالرازق_أبوالعلا

#ياشاعرَ_الخلواتِ________البحر_الكامل
ياشاعرَ الخلواتِ_كُنْ مُتَيَقِظَاً........واكتبْ منَ الخيراتِ منه تُلاقيا
واعلمْ بأنَّ _اللهَ _ مطلعٌ فلا.........تُنْظِمُ خيالاً _ أو سلاماً_ واهيا
يتتبعُ _الشعراءَ غاوٍ _ماكرٍ.........فى غيّهِ _ويظلُ شِعْرُكَ _باقيا
أحْيَتْ معانيه الخمورُ كأنها..........صُنِعَتْ لنظمٍ _باتَ فينا مُعاديا
فى كلِ وادٍ قدْ تُسَطّْرُ ناظماً..........ماليس يَرّوي _ظامِئاً له شاديا
وكأنَ قولَكَ قدْ يُسَاقُ مُجَنّداً...........فيُضَلَ غاوٍ _قدْ أراه _ الغاويا
فالعقلُ قدْ أخفاه نظمُكَ إذ به.........شُبهَاتُ تأتي _كيّ تُديرَ سواقيا
فأفقْ وكُنْ حَذِراً فإنَّ الناظمَ..........قدْ يُشتَهى قولاً_ يُظنُ _مداويا
واخدمْ بشعركَ شَيّبَةً وشَبِيبَةً.........وارقَ بفكرِ _القارئينَ _تراقيا
بالنظم كن لى ناصحاً ومبشرا.......بينَ السطورِ محاوراً_ ومؤديا
تُصْبِح بقوّلِكَ سيداً _ متأصلا........والمفرداتُ تَفِيضُ سحراً عاليا
فتشُدُّكَ الأحداثُ وقتها زاهياً.........فتكونَ ساعتُها صحيحَ_مداويا
#بقلم_عبده_عبدالرازق_أبوالعلا

لماذا عدت ؟ ! ★ بقلم الشاعر / كاشف عبد الجواد

لماذا عدت ؟ !   ★   كاشف عبدالجواد

********************************

صعبت عليك ؟ 

أم أنك 

إشتقت إلى ولعي ؟

يامن إليك كان حبي 

ووفائي 

ونبض ولهي 

ليتك ما عدت  

وتركتني هائم بدربك

الذي هو دربي 

ما هان عليك تتركني 

وبقايا من حلم 

كنت فيه انت حلمي ! 

لماذا ؟ عدت ياحبيبي ! ...

صدقت كل همس 

كان منك وهذا جل 

ذنبي ! 

تركت دنياي ورحت 

أجتبيك خاب 

ظني ! 

تركتني ملتاع أجني 

جمرات الجوى ؟

أواسي أيام خوال 

علها تمر .. فطال 

كربي !

لماذا ؟ عدت ياحبيبي ! ...

لن أشكوك لغير الله 

حبيبي .. هو وحده 

حسبي 

ما كنت أنتظر 

منك عود ولا وعود !

وما كنت نفسي 

بالقرب أمني ؟ 

فقط إكتفيت بصورة 

هي لك وحدك  

كنت أراها بعين قلبي !

عدت حطمت الأماني كلها ؟

خذلتني ! 

وبكت لبكائك 

داخلي كل المعاني ! 

إي وربي 

لماذا ؟ عدت ياحبيبي ! .....

**************************

Kashef.    20 - 2 - 2017.

ميهمكيش / بقلمي/ عادل حماد

ميهمكيش
انا هصبر تانى
يمكن اللاقى شوق وحنين
بعد ما قلبك بعنى نسانى
وخد من عمرى احلى سنين

لسه بحبك هفضل جانبك
وانسي الهجر أيوه بقولك
طول ما الدنيا لسه بخير

ولا دى عادتك وانا مش قدك
كل ما اعاتبك تنسى بحبك
وتقوليها لى ناس تانين

لا والله يكون في علمك
ياريت بايدي او كنت أملك
ماكانش ابدا غلبني أمرك
ولا شوفت معاكى الويل

وإن كان ع الحب
ده حاجه مش غصب
له بالخوف ولا بالضرب
وصدقيني له الف دليل

ميهمكيش
انا هصبر تانى
يمكن اللاقى شوق وحنين

أيوه بجد طول ما إنتى فى بالي
وليل ونهار دايما شغلاني
هفضل احبك زاى الأول
ويمكن واللا أكتر بكتير

ميهمكيش
كلمات
عادل حماد