نوبة صحيان ★ كاشف عبدالجواد

نوبة صحيان ★  كاشف عبدالجواد

*******************************

 أوقات ألومها 

أعتب عليها

تسمع تقول 

كفرت بيها ...

وبوقت الشدة 

وعند الدم

حاااسب. ياعم 

كلي أنا جيشها ...

نوبة صحيان 

بروجي ضرب

وحوش بتزئر 

وجبان هرب ...

في الشدة صوت 

الرصاص طرب

الي هرب. هرب 

والي يواجهنا.

تحت التراب 

نواريه ...

ونام قرير العين ياشهيد 

اليوم دا يوم عيدك  

وفيت كفيت ياشهيد

وكلنا شاهدين عيدك ...

وياللا قيدوا شموع 

زفوا العريس الغالي

زفة ومافيها دموع

ياريتني عقبالي ياشهيد ...

ضرب البروجي اتلاقيتنا 

كلنا حاضرين

ويبان صمودي في شدتنا

إحنا يامصريين ...

وأنسى غمي تبقي انت همي 

علشان يامصر حببتي انت

مش بس وطن دانت 

كمااان أمي .....

**********************

**

Kashef.     8 - 7 - 2017.