***** بحر الهيام ****
بقلم الشاعر /وائل مسلم
شراع الغرام فارد في بحر الهيام قلوعه
وأنا مراكبي والحب ساكن في قلبي وجوه أحشائى وضلوعي
بعوم في بحر هواك وعايز أنول رضاك
واجازف في موج عاتي
وفي لحظة غابت شموس الهوي
والنار لهيب في قلب بالحب داب وانكوي
والموج في البحر عالي
لكن علشان بحبك يا غالي
ميهمنيش من المستحيل
ولا أخاف من ليل البحر الطويل
لأني عارف إني هوصل جزيرة الأحلام
وقلبي عملته بوصلة بتشير لسهم حبك
وضحكتك من بعيد واصلة لي
يا مركب العشق علي فين موديني
دة جنة حبيبي من بعيد يتناديني
سمعتها من بعيد بتقول مستنياك يا عمري
أرجوك يا مركب عليها توديني
عايز أوصل أوام
وأعيش معاها في جنة الأحلام
ولما وصلت هناك لقيت حببتي مستنياني في شوق ودلال
يا سلام عليها أميرة منورة الجزيرة
وحست إني في أمان ونجيت من الطوفان
لما ارتميت في حضنها لقيتة لسة حضن حنان
أفرح يا قلبي مخلاص وصلت لبر الأماني
ولقيت في عينيها عنواني
علشانها أحقق المحال
لأن حبها في بحر الغرام دليلي
وفي جزيرة الأحلام لقتها هي اللي عن لوعة الشوق بتحكي لي
قلتلها وايه اللي رماني في بحر الشوق
غير الحنين والعشق اللي في القلب بقي له سنين
وخلص الكلام ودبنا في بعض في غرام وهيام
وزقزقة العصافير وشدو البلابل معنا فرحان
وعشنا في جنة الأحلام
يا محلاها أيام لحظات عشق وهيام
ليست هناك تعليقات:
إرسال تعليق