**فراق.
**مباحبش الدموع ' لكن رح ابكيكي.!
ماهو كل شئ ممنوع'مسموح أكيد ليكي.!
بكايا ماهوش خضوع،ولا اعتذار ليكي..
خلاصة الموضوع ' قلبى اتصدم فيكي.!
**مش كنتي بترددي'إني باموت فيكي..
و حضني لو تبردي ' دايما يدفيكي..
قلبى بطبعه الردى, سابني وداب فيكي.!
شوية' لو تبعدي ' يشبع عتاب فيكي.!
**لوكنتي يوم تزعلي' فورا يصافيكي..
وقبل ما تسألي ' دايما يلبيكي .!
ورداية لو تدبلي ' بدمه يرويكي.!
دلوقتي رح ترحلي مفيش مكان ليكي.
**وكنتي دايما تقولي ' شعرى مكفيكي..
كل الحروف والمعاني كل الكلام فيكي.!
وانا كنت باحتار تملى' إيه يتوصف فيكي.
وكنت باحسد فؤادي' انه اتنصف فيكي ..
**دلوقت قلبى اتحرق، وحرقت كل الورق.
أصبحت مركب شر اعي' بيصارع الغرق.!
فاضل رجاء محبوس' وسط الدموع والعرق.
ردى لى أشعاري....
.... و معاها أفكاري....
......الله يخليكى.
صبري على
ليست هناك تعليقات:
إرسال تعليق