زكريات …««…
رغم كل اللي فات لسه ثابت لسه راسي … رغم الإعاقات ، رغم الصدمات ،رغم كل المآسي … مشغول فكري زحمه وربكه جوه راسي ، بس عمري لربي ماكنت ناسي … «« …
كترت حفرك يا زمن … زادت مشاكل البشر زاد الألم … ماتت مشاعرنا الجميله والقلب من الوجع اتكتم … مات الجدع ، بقت البدع ، مات الكتاب ، خلصت خلاص حبور القلم … «« …
سرحت مره قلت أفتكر اللي فات … اهو ،،: أفتكر لحظه حلوه يمكن تمحي حاجه من الآهات … هوا إحنا لينا في الفرح إيه غير زكريات …
أي نعم أنا منكرش كان في الماضي ألم ، كان فيه ندم ، كان فيه كل الحاجات … بس الفرق بينه وبين حاضرنا ،،: راحت البركه لما راح الرضا ، اختفت الأرواح القنوعات … كل اللي بينك وبين اللي حواليك دلوقتي بس ممتلكات … بتاكل إيه ، بتلبس إيه ، وراك مين ، حاجات كتير تشيل عنك أي تحفظات … «« …
يعني مثلا ،،: من ضمن الزكريات ،، شفت فرحتي لما صاحبي تزوج … افتكرت زغاريد أمي لما اخويا تخرج … اللمه والزحمه والربكه لما شفنا أختي بتعرج … المزحه والطرفه والمقلب اللي محدش يستحمله ،، عدا في ثانيه بمجرد أنك تقول كنت بهرج …
مش هيا دي نفس الناس ، ونفس الوشوش اللي عمرها في الحق مبتحرج … «« … قولولي أنتوا باقي إيه م اللي فات … قولولي تاهت ليه المشاعر ، فين البساطه ، ولا القلب لما شاف اصل القلوب والبشاعه مات … قولولي الزمن لسه بخير طمنوني ولا اللي باقي بس من الفرح هيا »» الزكريات. // بقلمي توفيق حسن #جوبا_المصري//
ليست هناك تعليقات:
إرسال تعليق