إمشي -->
جايه بتشكي ليه
وتفكريني باللي فات
والشكوه تفيد بايه
من إمتي الدموع بترجع اللي مات
مش دا اللي قولتلك عليه
وحذرتك منه بالساعات
جايه تقولي دلوقتي حبيتك
وتعبت من بعدك
نسيتي أني صنتك وبرمش عيني غطيتك
وكنتي في قلبي وحدك لا قبلك
ولا بعدك دانا عمري ماحبيت كدك
ومن روحي وحناني عطيتك
وعشقت حتي كلامك وردك
عمري م قسيت وغير البسمه م وريتك
بعتيني ليه وغيري شدك
وراجعه دلوقتي تشكي
ملقتيش معاه أمان
ولا الزمان هدك ودار ضدك
فاكره إني ممكن أحن ودموعي تبان
كان زمان أيام ماكنتي بتاعتي
كنت باديكي الأمان حتي الحنان
طلع سراب ومكنتيش ليا كمان غير
وهم وأحلام إمشي ماتسألنيش عن قلبي خلاص
معدش ليكي مكان
إمشي ربنا يقدرني وأنسي الإخلاص
إمشي عشان فيه ناس
لا بتتعلم من كتاب ولا من كراس
ناس متصحاش إلا بعد فوات الأوان
بقلمي توفيق حسن #جوبا_المصري
ليست هناك تعليقات:
إرسال تعليق