الأربعاء، 19 أكتوبر 2016

ملكة الروح/ بقلم الشاعر / رامز عيد

ملكة الروح

سهران  بعدك ليش سألت  تشتكي
شوف الوقت  اديش غصّت بالحكي
يمكن نسيني الليل لبعتمتو سرحان
اسقي  ضلوع  الورد  اجمعها  لكي

سهران  ناطر هون  عالقمر  خفيان
غطّي النجوم  وشاح  فوقي  مفلّكة
ارسم  بطيف  الحب  بالعطر  نديان
بروح  الورد و سراب  خيط المحيكة

عشقان  حلم الطيف بالفكر  علقان
رمش  الوفا  بالحب   لحاظو المنهكة
كرمال   عين القلب ل بالحرق ولعان
باقي   لفجر النور   لصوت  التكتكة

شربان كاس الصبر بالسكن خمران 
غفيان   خد  الدمع    رسمك    يتكي
متل   الزهر  ادمان   للندي  عطشان
اكمش  بقطر  نهيد  نهيدي   تمسكي

نوعى  بحضن  سراح  بالشهد قفران
قراص الحلا والطيب مسكب تضحكي
اقطف  طراف  القطر  بلهفة  الجيعان
اسقي  حنانك  خمر  بخوابي  الصفا
وسكبة  صفايا الروح  بروحك  تملكي

رامز عيد 
19/10/2016

هناك تعليق واحد:

  1. وافر تقديري و احترامي لمجلة يحر البيان على نشر شعري المتواضع في صرحها الراقي و اخص بالشكر و التقدير الاستاذ الالق Ebead Ryad

    ردحذف