سكة فرحنا ★ بقلمي\ كاشف عبدالجواد

سكة فرحنا  ★  كاشف عبدالجواد
*****************************
وكل ما الأوهام 
تاخدنا 
لسكة فيها فرحنا

نصحى نلاقينا 
مجروحين 
والسكة تايهه عننا 

نترجى 
في الأيام تداوي 
تختفي فيناالغناوي 

يصرخ جوانا جرحنا 

متقولنا ياهمنا احنا 
اتولدنا مجروحين 
ولا دا من سوء بختنا 

والسكة 
اهي لسه تايهه عننا 

من بعد مالأوهام خدتنا 
ليه رجعت الأيام خانتنا 

وادورت علينا السنين

واللا ما عدنا ياناس 
عارفين نترجى مين 

ومين حيسمع مننا

ادينا اهي على خدنا
ماتقولنا ياهمنا 

ولااحنا بس موعودين
تنسانا سكة فرحنا
*************************
Kashef.    22 - 5 - 2017.