مالنا بالناس ياعم ! ★ للشاعر كاشف عبد الجواد

مالنا بالناس ياعم !   ★   كاشف عبدالجواد
*********************************************
طول عمري احاسب على كلامي وعمري / ما جرحت انا حد

قدمت السبت كتير ياليل أنا / من غير ما استنى 
من غير ما استنى الحد

وشلت هم الصغير والكبير وف شدتي / ملاقيتش ملاقيتش جنبي حد

والدنيا مدرسة وامتحان وكل معارفي / لم ينجح 
لم ينجح منهم حد
                              ياليل
ما توشناش ياعم 
مش طالبة تقل دم ... خلينا احنا هنا
صحبتنا ياعم حلوة ... فيها موال وغنوة 
وصبابا مجروحين 

كلنا سميعة ياعم 
مش طالبة تقل دم ... خلينا احنا هنا

هنا اهو سوى تلاقينا ... شايفين أوي بعضينا 
هنا بس تلاقي راحتك ... بس لأنك وسطينا 

كلنا مجاريح ياعم 
مش طالبة تقل دم ... خلينا احنا هنا

عندك كلمة تواسينا ... ياخي قولها والسلام 
ولو حتلولوك ياخينا ... يبقا خسارة الكلام 

مالنا بالناس ياعم ... مش طالبة تقل دم 
خلينا احنا هنا ..... 
*********************************************
Kashef.   8 - 5 - 2017.