أهديها إلى أستاذي
وصديقي الزجال عبد الواحد
أمهدي مجدوب رودانا
هل لقول
هل لقول عليهم
لبها ؤالنور
إلا شافو حرفك مصقول
يباركو ليك فالقوافي
ؤيولي صوتك رخيم ؤدافي
ؤعقلك ع الحرف ما نافي
وقت ما هدرتي تشعل
لهيب فقلوب الدافية
ؤقصايدك يقراها
العادي ؤالبادي
ؤعليك سر الهادي
ؤلقلم ينزف بالمهل
ؤعل السطور
ماتجف لحبور
طاهرة منضورة
كتب الحرف الزين
ؤتهنا راه فيه النفع
ؤلخلفة باش ولادنا
ماتشدهم التلفة
وي قلبو عَل
الحرف بالخفا
ؤخلي لحكمة ؤلمعاني
ؤالحرف لي الداك الداني
يامجدوب حرفك
ساكن فالقلوب
يتغناو بيه ملوك الرحمان
ف بساتن ؤويدان
سير فالطريق الصحيح
ما تمشي بالمقلوب
ؤزيد حرك السنتير
ؤرقص الحرف عَل
الدقة ؤلبندير
ماكاين ما دير
حكمو عليك لمجاديب
نفد لكلمة راه حرفك
عندو معنى
ليست هناك تعليقات:
إرسال تعليق