- ** اكتئاب
- (1)
- بطّلت' اقول اشعار, وأقول "وحشتينى" .!
- بطّلت' اعدّ النّجوم ' لحدّ ما تجينى ..
- بطلت احب الورد, والفراشات, والأمل .!
- بطّلت احبّك ,وهافرح ' لو كرهتينى ..!
- (2)
- سألنى : "بتحبنى" ?. قلت : " مش عارف".
- كان قلبى' شجرة شاى 'ضلّها وارف ..!
- كنا نقعد سوى ' نحكى , ونشرب شاى ..
- دلوقت الجذع مال , والشّاى صبح كارف .!
- (3)
- على كوبرى قصر النّيل ' لمحت عيونى غزال ..
- عشقته من نظرة ......, والقلب حنّ , ومال ..
- فجأة - فى وسط الظلام - جرى, وحدف نفسه .!
- جريت بسرعة الحقه ' ما لحقت غير الشّال ..!!
- (4)
- كتبت ياما قصايد ' أوصف فى ستّ الحسن ..
- فضلت أدوّر عليها , واحلم ببوسة , وحضن ..
- عدّى العمر منّى ' ......... ما لقيتلهاش أثر .!
- ولسّة باكتب قصايد ' .... يشرّ منها ' الحزن .!
- صبري على
الاثنين، 3 أكتوبر 2016
اكتئاب / بقلم الشاعر / صبرى على
الاشتراك في:
تعليقات الرسالة (Atom)
ليست هناك تعليقات:
إرسال تعليق