##فين هى الأسره المبنيه##
أب وأم ومسؤليه
وعقول تايهه وغبيه
وفى زمنا اتباعت القضيه
ناس نسيت اصل الوظيفه
ولعبت ادوار سخيفه
والحياه اصبحت مخيفه
فين هى الاسره المبنيه
على القيم والمبادئ الاصليه
ناس نسيت تزرع جوا اولادهم التربيه
وبعد كده جايين يحصدوا
هيلاقوا ايه ياترى غير الصدمات القويه
يعنى هيلاقوا جواهم سراب
وعقولهم فيها تراب
وافكارهم جايه من الشارع
من اى انسان ضايع
اب وام بيلمونا
على ايه وانتم اللى حرمتونا
جبتونا الدنيا بأذن ربنا بس نسيتونا
وكبرنا ورحنا لناس تانيين
ناس نلاقى معاهم الفهم والحب والحنين
ونفضل ندور برا بيوتنا
على ناس تحسنا تسمع شكوتنا
وتيجى وقت متكون محتاج حد يسمعك
وجواك الاهه بتوجعك
متلاقيش غير ناس عن الكلام بتمنعك
يبقى اكيد فى الوقت ده هدور
على حد من اللى انت فيه يطلعك
والله اعلم اذا كان الحد ده
هيخدك فى حضنه ولا هيضيعك
ليه يا اهالينا كده سيبتونا
ليه مهتمتوش بأصول التربيه وعلمتونا
يعنى كل دوركم انكم اللى انجبتونا
التربيه مش اكل وشرب وبيت تعيش فيه
التربيه صح وغلط وتنبيه
وحنان جوا اسرتك تلاقيه
وتراقب تصرفات ابنك
بس مش قصدى تشك فيه
انا قصدى انك تحافظ عليه وتبنيه
وبالعلام الصح قويه
وصحح فكره وعليه
وعن شر الدنيا ابعده
ده ابنك ولازم تحميه
وده دورك ولازم تقوم بيه
#بقلم:شيماء السيد#
ليست هناك تعليقات:
إرسال تعليق