** شتا ** / بقلمي/ صبرى على

** شتا **

(1) - دخل الشّتا م الباب قلت لها : "غطّيني".
دا انا باترعش م البرد' أسفل بطاطيني .!
قالت:" عدّى الشّتا ياما'من غير مانشعر بيه .!
قلت لها حضنك ساعتها ..... كان مدفّينى .

(2) -فتحت شبّاكي عشان أشمّ الورد ..
دخل بسرعة الرّيح, والزمهرير , والبرد ..
أنا قلت : " مال الشّتا جانا بزعابيبه " .?
قفلت شبّاكي , وصعب علىّ الورد .

(3) -تعالى يا زمهرير إطوى الزّمن إطوى ..
تلقانى متكوّم ' فوقى لحاف مطوى .!
ولو يسأل الحلو , ويقول : "عايز اشوفك".
هأقول له: آسف يا روحى أنا ف بيات شتوى.

(4) -بتترعش كدة ليه يا قلبى ' خبّرنى .?
غرقان فى حب جديد ' طب كنت عبّرنى ..
قال لى: "أحبّ ازّاى, وانا باترعش م البرد".?
آه م الشّتا , ومنّك ........ يارب صبّرنى .

صبرى على