أنا مصري / بقلمي/ د/عمر عبد الجواد عبد العزيز

... (( أنا مصري ))....
أنا مصري ....
و عاشق مصر بجد ......
أنا كريم الوطن والجد
لا يهزمني عدو ......
ولا يهمني أبداََ حد
و إنكتب عليا الرباط
ليوم الصراط حصري.......
أنا مصري....
متربي وأعرف ربي
وإبن أصول ......
و أصبر علي المكتوب
مهما الأسي يطول.......
و لا أسمع أبداََ لحديث
حاقد أو عزول ......
ولا أسمح لعدوي ينول
في يوم كسري..... .
أنا مصري.......
لا شرق ينفعني
ولا غرب عاد يخدعني
و إن الكل راح باعني
حضن وطني يساعني
و بإيماني و عزمي
أسابق عصري .....
انا مصري......
إنتاجي هو تاجي
وهدي النبي سراجي
ورحمة ربنا أنا راجي
و بجهدي وصبري
ابني قصري.......
أنا مصري .......
جَدْيِ يسبق هزلي
و خفة الدم موروثة
من جِدْي لنسلي
و في الحروب التاريخ
يشهدلي .....
و في ربي أملي و نصري.....
أنا مصري.. ...

د/عمر عبد الجواد عبد العزيز