الفرار
عزيني يا عيني
علي حبيب فات الديار
مكتوب علي جبيني أعيش
ف قلبي جمرة نار
قلبي علي ولدي
يوم ما راح ركب التيار
قالي هنا ف بلدي
مفيش مكان للأحرار
الغربه يا أمي
هم أخف من الإنتظار
العمر بيعدي والحب
ضاع ف شجار ونقار
كل السكك مشيتها
تعبت من طول المشوار
سبيني أشوف بختي
الفرار أو الإنتحار
قلبي علي ولدي
ف الدنيا كان من الأحرار
يا رب اهديني
من مين بس هاخد التار
عبير السويس
ليست هناك تعليقات:
إرسال تعليق