عندي فى جنتي وردة
لونها
.. بلون الصفا .. أبيض
برويها كل يوم
من ضي القمر
وعلى سناه
أحاكيها
و أرويها غنى وطرب
عشقت بيها الكلمة الحلوة
و عرفت طعم النغم
و أن أشتكت
بأهازيج العشق أطربها
و إن بكي عليها الندى
بنبض وريدي أمسح دموعها
تشوف البسمة ف عيوني
تفتح و يزيد عبيرها
أطير فى السما من فرحتي..
و إن جت يوم ف عيني دمعه
من قسوة سنين
ياما كانت ظالمة
أداريها
و اخاف عليها من شكوتي
وبضلي من عيون الشمس احميها
وان كان الضنا ملازمني
و بصفا لونها بتسألني
تشوف بسمتي
على الاحزان ثوره .
ياوردتي
إن كان ندى سماك حياة
......انا مطر
خدي مني الحياة
و إن كان عمري راح قبلك هدر
كفايا عليا منه صفاك
ياهدية القدر
#شاهين_سليمان
ليست هناك تعليقات:
إرسال تعليق