**سؤال ** / بقلمي/ صبري على

**سؤال..

جوّاى كلام كتير ..
مش قادر ' أكتبه .!
ولو كتبت شعر ..
لمين رح انسبه .?
إزّاى افرد كفوفى .?
واقول ده شعر ليّ ..
وانت رموشك حروفى ..
وعيونك أبجديّة .!
إزّاى انطق كلامى .?
ازّاى اقدر أنام .?
وانا على إيد حبيبى ..
إتعلّمت الكلام .!
إزّاى أقول ده شعرى .?
وازّاى بسّ انشده .?
وانا أفكارى,ومشاعرى ..
من جوّة بيرفضوا .!
إزّاى اخالف ضميرى .?
واعمل مانيش شايفك ..
وانا إحساسى, وشعورى ..
مرسوم على شفايفك .!
***
رايح ابعته لبريدك ..
واعنونه باسمك ..
واحدده ' بحدودك ..
واوقعه بإسمك ..
لكن صحيح بالمناسبة ..
ممكن حبيبى ' أسألك ..
هوّ انت إسمك إيه .?

صبري على