قالولي الجواز سُتره إتجوز ياواد وإتلم
قُلتلهم أنا موافق شوفولي بنت الحلال
شوفولي بنت الحلال اللي أروح ياناس أخطبها
لا تقولي شقه وعفش ولا حتي مهر وشبكة
أسعار الذهب نااااار واللقمه بقت ب العافية
الدُنيا صبحت ضنق وجايبه لينا الكافيه
شوفولي بنت حلال لو مهما تقسي الدُنيا
تعيش معايا بلا شكوي تعيش معايا يا ناس
ع المُره قبل الحلوه
شوفولي بنت حلال لو جاعت في يوم مني
تكمل عشاها نوم
شوفولي بنت حلال تنسيني مرار الدُنيا
تنسيني الآلآم والهم
شوفولي بنت حلال وهجيبها يا ناس بهدومها
مش عاوز حاجه من أبوها ولا عاوز أنا حاجه منها
كلنا في مركب واحد والحال كده من الحال
شوفولي بنت حلال شوفولي بنت حلال
(((.. مصطفي دسوقي ..)))
ليست هناك تعليقات:
إرسال تعليق