# لبس الشتا #
عايزين لبس الشتا
عايزين نلبس صوف
يادوب بناكل بالعافيه
وعلى قد المصروف
بيقولوا اللبس نار
يعنى غاليه اوى الاسعار
بس مش هفضل سواح
انا جالى خلاص اقتراح
هعمل حصاله بمفتاح
وهحل الازمه
وهشترى جزمه
وشال وجاكت للافراح
هقلل فى المصاريف
وهوفر جنيه او خمسه
المهم اشيل ف الحصاله
ولا يوم ولا مره انسا
هقلل مصاريف البيت
هخف من السمنه والزيت
وخلاص هنشترى هدوم
لازم جيبى يبقى مشحون
بعد كده كل شئ يهون
هفرح العيال
وهوريهم اشكال
وترنجات على كذا لون
وكفايه بقى كده
ونفتح بقى الحصاله
بقالنا كتير بنحوش
وفلوس كتير متشاله
وجريت ع المحل ع طول
منا معايا مبلغ معقول
بكل فرحه فتحت الباب
واختارت وقلت الحساب
وبطلع فلوسى لقيت استغراب
الراجل بصته عجيبه
وقالى بكل خيبه
دول حق جونتى وشراب
# بقلم: شيماء الدالى #
ليست هناك تعليقات:
إرسال تعليق