( ورا قضبان )
____________
وايه يكفيكي يا غربة
يا نهر دموع
عايش ليكي في أحضانك
وكلي خضوع
رمتني الدنيا غريب صارخ
بصوت مسموع
عشقت رجوعي ولو مرة
و مرة العيشة و ياكي
وأنا باكي ......😭
معقولة يوم تخاصميني
وأنا أفرح بفرقتنا
لساكي ساكنة تكويني
وطريقك هو سكتنا
يا سكة توهة بنعيشها
ورا قضبان
ودايرة حيرة مقفولة
و أنا الحيران
يا تعللي الحلم جوانا
يا تخبي كل فرحتنا
لوقت الموت
و صوت يعلى و أكيد مكتوم
وأنا مرسوم على لوحة
وحكايتي غربة مسموحة
ومجروحة كل أمنية معدية
وفرحي ياما أجلته
وعمري فات وضعيته
وأنا إللي اخترت أحزاني
و غربتنا طريق مشروع
شعر ///
محمد عباس أبو عمر
١٠/٤/٢٠١٩
ليست هناك تعليقات:
إرسال تعليق