اوعى تنـدم لـو سابــوك
اوعى تحزن لـو باعــوك
اوعى تدمع دمعـه واحـده
ع اللى ف وسط النار رمـوك
مش همـا دول اللـى وعـدوك
وبعهـودهم خــدروك
ومــع اول موجــه عاليـه
داسوا عليك وغرقوك
مش همـا دول اللـي خدعوك
وب حبهم ضيعوك
ومـع اول ريـح شــديـده
هربو منها وصدروك
مش همـا دول اللـى عذبوك
ومن مرارهم رضعوك
وبكـلامهم الجـافي ياقلـبى
عرفوا ازاي يوجعوك
مش همـا دول اللى دبحــوك
وعلى العوازل قسموك
وحلفــوا ميقيـدو شموعهـم
إلا بعــد ميدفنـوك
نكـرو حبـك جـرحـوا قلبـك
وانـت قلبــك ثمـنه غـالـى
إوهبه للى يقدروك
دلوقـتي بس لما اتغنيت
عرفوا ايمتك وتهويت
وراجعين تاني يشتروك
بعــد م عاشــوا فحضن غيرك
ونسيوا حضنك ونكرو خيرك
وحاولوا بكل الطرق يبعدوك
اوعـى تحن وتقول سماح
وترجـع تانى للجـراح
صدقني ياقلبي بيوهموك
من امتا كانوا بيقفوا جنبك
من امتا كانوا بيسندوك
من امتا كانوا بيدفعوا عنك
من امتا كانوا بينصفوك
دول لو طالوا يحرموك
من السعاده هايحرموك
دول لو طالوا يفطموك
من الفرحه هايفطموك
دول لو طالوا يقلعوك
من جذورك هيقلعوك
فوق ياقلبي وعيش حياتك
ونشف دموعك وانسي اهاتك
واسكن ف حضن اللي بيعشقوك
بقلمى//صابر الطوخى
ليست هناك تعليقات:
إرسال تعليق