ظلمتك ياحظ
ظلمتك ياحظ
حقك عليا
ربي يسامحني
معرفش إنك
في يوم هتيجي
كده وتصالحني
معلهش ياحظ
أنا ياما قلت عليك كلام
وياما حسيت إنه مافيش
بينا كده أي سلام
مانا ياحظي
كنت فاكر إنك ظالمني
ومن نعيم الدنيا
حاسس إنك حارمني
اتعذبت كتير .. يا حرام !
اتعذبت .. بفراق وهجر وخصام
وياما ليالي .. من وحدتي مليت
وعلى حالي .. عيوني دمّعت وبكيت
حسيت إن حياتي كلها ظلام في ظلام
اتاريك ياحظ .. مخبي لي .. ضحكة كبيرة ..
فرحة كبيرة .. مفاجئة كبيرة .. ولا فـ الأحلام
ماهو كدا طبع الإنسان .. يتعجل الفرحة تيجيلو قوام
معلهش ياحظ سامحني .. أنا ياما قلت عليك كلام
ظلمتك.. ياحظ .. كلمات .. سعد المهدي
ليست هناك تعليقات:
إرسال تعليق