أنا مين
مبقيتش عارفني
الزمان قارفني
للضنى جارفني
عن الخير صارفني
بالشرور وارفني
بعد عني الفرح
دنا مني الجرح
ملامحي اتغيرت
أحلامي اتبخرت
طموحاتي اتفجرت
مشاعري اتحجرت
أنفاسي اتأجرت
عواطفي اتهجرت
قلبي صار خراب
متحاصر بالضباب
شارب كؤوس عذاب
آمالي صارت سراب
دليلي بقى الغراب
خطاويا للخلف راجعة
خيانة الخل واجعة
الضحكة شايفها دمعة
وداني مبقيتش سامعة
المآسي فيا طامعة
قلبي حولته حانة
مبقاش ليا خانة
نسيت حتى الأمانة
متحاوط بالخيانة
دلوني يا ناس عليا
افتحوا لي عينيا
دفوا قلبي وإيدايا
نفسي أفرح شوية
عاوز أرجع لنفسي
وأشم شوية نفسي
زهقني والله نحسي
أخرج من جوة حبسي
كفاية تعبني يأسي
عصام الباز
الجيلاني
ليست هناك تعليقات:
إرسال تعليق