ياحبيبتي بدري
..........
إخترتي ليه الوقت دا
بالذات ..
كان باقي لسة ع الوداع
أيام كتير ..
ولا أكون ماحسبتهاش
إلا بعواطفي ..
والنسمة شبعت م الندى
وفي وقتها بتطير
وفين دموعك .. واقفة
ليه ..
مش راضية ليه تتكلم
خايفة لتحرق إيدي
لما أمسها .. لحظة ما
أسلم ..
ياحبيبتي بدري ..بس
عارف .. مش بإيدك ..
ما أقدرش برضه أأخرك
ولا بدموع القلب دا ..
ممكن أفيدك
وإخترتي ليه الوقت دا
..........
ليه بتسبيني دلوقت .. وإنتي
عارفة ومتأكدة إني صعب
أعيش من غيرك .. مع إني برضه
عارف ومتأكد إن أيامك خلصت
خلاص ..وإن العمر إنتهى ومش
باقي دلوقت غير صورتك في
قلبي ..وروحك إللي بين إيديا
محمدعبدالرحيم
ليست هناك تعليقات:
إرسال تعليق