أنا اللي يا ياما زماني / بقلم الشاعرة / بيبو النجم الساطع

((موال ..انا اللي ياما زماني ))

انا اللي ياما زماني

م المر كتير سقاني..

لحد ما ارتويت ..

لا بكيت ولا اشتكيت..

ولا قولت ف يوم ياريت..

اني أبقى واحد تاني..

صبرت انا والله ياما..

والحزن علم ف قلبي..

وساب مليون علامه..

منفعش وياه العتاب..

منفعش معاه الملامه..

يارب يا عالم بحالي..

ياخالقني انت اللي تعرف..

كل اللي ياما جرالي.

وقد ايه قاااااااسيت..

وشيلت فوق احتمالي..

........

ما ترد يا زماني وقوللي.

لو كان يرضيك اللي حصللي..

دا انا والله عمري ماسبت الفرض..

من صغري بأصوم وبصللي..

ماشي ف الدنيا دي بعافر..

وراضي دايما بالمكتوب..

ما تهدى عليه انا مش كافر..

ليه تمشي معايا بالمقلوب..

ااقوم من نوقره ااقع ف حفره..

مخدش بينهم نفسي يادوب..

الحزن ليه مستقصادني..

جايب سناره وبيصطادني..

وكأن مفيش غيري يازمان..

انا المطلوب واللي قاصدني..

ما ترد يا زماني وقوللي.

لو كان يرضيك اللي حصللي..

دا انا حلمى مات خلاص جواك

ـ ودمعي بكتمه تمللي

وبأعلى صوتي هصرخ واقول

بدل الاه الواحده أهات..

وانتا والله ما فارقه معاك..

اوطي صوتي او اعللي ..

ما ترد يا زماني وقوللي.

لو كان يرضيك اللي حصللي..

&&&&&&&&&&&

بيبو البدر الساطع  

كلمات تم توثيقها ..بيبو