لما الحلو بيهمس همس
بشفي قلبي من انو
وبتطلع عالدنيا الشمس
لما بيتبسم سنو
===========
وحياة الرب المعبود
محبوبي عليي غالي
كل الدنيا عليي شهود
حتى بتشهد عذالي
لولاتو ما في لي وجود
غيره مش عم يحلالي
عليي لما بوصلو يجود
قلبي وروحي بتهنو
===========
يا غالي يا نور العين
شاغل لي فكري وبالي
منين اجيب الصبر منين
ساءت جدا احوالي
دخيل عيونك يا زين
ارحمني وارحم حالي
صار لي ناطر من سنتين
عيوني شوفك بستنو
===========
طلك حدي ومني قريب
دخلك لا تبعد عني
لما عن عيني بتغيب
والله ما بضحك سني
لا تزود قلبي تعذيب
قربك يا مدلل جنه
فيها عنب وفيها زبيب
اوعى تحرمني منو
===محمود شبيب ===
ليست هناك تعليقات:
إرسال تعليق