أصبر
.............
و الله أنا صابر
و أبويا من فقره سماني صابر
شايل أسمي .. زي مايكون همي
وحمولي رميتها على القادر
كل يوم يعدي بالزء
أقول :
ياترى هيعدي ولا .. لاء
يمكن يجي بكره شايل بشاير
و يجي بكره
وأتاريه ماجاش
ماهو زي النهارده
لسه ماعداش
و أنا لسه بالساقيه داير
تور متغميه عينيه
بيلف ورا حلم مستنيه
و الحلم ياناس مخدة الحاير
و آديني بلف بالساقيه
ورا سكه عاصيه
والحلم
مره ورايا ومره قدامي طاير
زي السراب مش طايله
وأهدي يمكن اقدر احايله
أتاريها دايره أنا فيها داير
#شاهين_سليمان
ليست هناك تعليقات:
إرسال تعليق