{{خير مصر }}
وأنا راجع من عملى أمبارح
فجائة ندهلى الحاج بلال
قالى السعر دأصبح جارح
أكتب وأحكى الحالة فى مقال
دمى ياأفندى كتير متعكر .
أصل البيت مفهوش سكر .....
طيب حد يرد عليا................
فين بيروح محصول البنجر .....؟
أنا زارع أربع فدادين ..........
ومعنديش فى البيت ولا كيلو
فين مخزون الدعم فين .......
ولا الريح أخدوا مع غيروا.......
السوق السودة ياجماعة ............
فيرس وبينهش فينا............
وتعبنا شكاوى ياأذاعة
ولا مسؤال رد علينا ........
هوأنا لازم أكون وزير
ولاضرورى يكونلى حصانة
علشان أشرب قهوه كتير .....
ويبقى السكر عندى يامه ......
خير مصر يامصرين .........
مسافر رايح لمين ..............
للغرب .... ولا........الصين ..؟
طب فين حق الفقير ..........
اللى مطحون فى الطين ....!@@
{{ خير مصر }}
بقلم الشاعر/السيد أنور إبراهيم
ليست هناك تعليقات:
إرسال تعليق