قلب على نافذة الزمان
متل الحلم عند الفجر
عن عيونها غاب
حكايات من الأسى والهجران
مشرعه الأبواب
وصوت كلماته تحفر اخدود بالقلب
وبعده الجرح ما طاب
يا وجع الصدى المبحوح على شفافها
ضاعت وصارت سراب
يا أمي لا تاكلي همي
حنينتك الطيبه خليتها بدمي
كبرت وكبرني القهر بكير
بدي إرجع
بس الندي يتلوح على ورق اللبلاب
وبعده القلب سهران
ناطره فرحة أمل وما في جواب
مراسيل ع جناح الصبر
ترحل ع الوديان والجبال
يمكن تلمحوا برجفة جفن
خلف السراب
وبعده قنديل الأمل ما انطفى
بعدها ناطره وما في جواب
كحل بلون الحزن والعمر شاب
مخدتها لهيب وجمر
كرسي وشباك ومحراب
وبعدها ناطره وما في جواب
أنينها مجرح بالصمت
والغربه وجع وعتاب
كفكفت دموعها
وصارت كومه من الضجر
وسهام موجها على الأعصاب
وبعدها ناطره ع شباك العمر
شي خبر ...شي فرحة أمل
ملونه بلون الشباب
شباك وحروف إسمه مرسومه بالقلب
وموزعه بالشريان والأهداب
ع الفجر بكرى وبعد
يمكن ليل وبعده نهار
وبعدها ناطره والخبر بكتاب
غاب شهور من الدهر
وبحساب القلب
يمكن يوم يمكن شهر
يمكن ليل وبعدو نهار
وبعدها ناطره ع شباك العمر
وما في جواب
.....بقلم جوهرة الياسمين
ليست هناك تعليقات:
إرسال تعليق