........(( أبكي عليكم ))......
أبكي عليكم وفي الحزن أشاطر
ولا أبكي منكم ولا على حظكم العاثر..؟
أنا لو جبرتني ظروفي أسافر
مستحيل في أول مَرة.....
بحياة ولادي أبداََ أغامر.....
مهما كانت حياتنا مُرة.....
أخاطر و أسافر وحدي فترة
أحضر لقمتي و لفرشتي أدبر
و أجهز حالي ومالي بره.....
ولو إتقطعت هنا حبال الحياة
هيكون ف البحر طوق النجاة ؟
لا معايا رخصة ولا حتي فرصة
في إللي جاي من عمري أفكر
هو هو نفس البحر إياه .....
إللي ياما كتير أنقذ بشر......
و ألف آه من سخرية القدر
هو نفسه فيه ...فقدوا الحياه.....
لا بلومك يا بحر ولا بعتب عليك
ولا حتي إللي غرق و دمه هان عليك
بدل ما تشيله و توصله بإديك
تحضنه ماترجعه وتكرهنا فيك....
يا ترا يا بحر بتحضنه ليه.....
من حبك ليه ولا من خوفك عليه.....
وإن رجع ..يرجع و كفنه في إديه....
وإسمه بس مكتوب عليه .....
و كلنا يادوب نصلي و نترحم عليه...
أنا مش بلومك أبداََ يا بحر
أنا كل همي ولومي ع الظروف
اللي جعلتنا من كتر الألم والخوف
نعشق كلنا ضرب الدفوف
و حوالين الجهل والفقر نطوف.
يا مصري وإنت خاشع في الصلاة
من قلبك إدعي ربك ..يفك كربك
تخضر أرضك ويعود لسمانا صفاه
ومن جسدك ..إنزع شعرة الخوف
الصح نشجعه .....والخطأ نمنعه
وإيدي في إيدك نوحد بينا الصفوف
دي الحياة برة أرضك يا مصر
أبداََ مش حياة .....
د/عمر عبد الجواد عبد العزيز
ليست هناك تعليقات:
إرسال تعليق