قصيدة / ( طيور مهاجرة )
بقلمي / هدى سيد
٢٠١٦/٩/٢٥
ما تسألوناش
ليه بنهاجر وبنسيبها
ما تسألوناش
وإسألوها ليه ولادك
هربوا منك
ليه ولادك سابوا حضنك
ليه ولادك قرروا فجأة
الرحيل
إسألوها فين دفا الأوطان
ده راح
إسألوها ليه خنقتى الحلم
فيهم
إسألوها ليه جمعتيهم
ف أوضة بدون بيبان
إسالوها ليه حرمتيهم
من ضمة حنان
إسألوها برغم خيرك الكتير
ليه عايش فيكى فقير
إسألوها ليه معاملة الجفا
لخيرة شبابك
ليه طردتيهم وقافلة
عليكى بابك
إسألوها فين كنوزك
ليه بتديها لقلة م الديابة
إسألوها ليه بتفرق فى
المعاملة
ولا عاملة مش ف بالك
ناس بتاكل وب فظاعة
واحنا هنموت م المجاعة
ناس كروشها جالها تخمة
واحنا بطوننا تنادى لقمة
إسألوها انتى راضية؟
إسألوها بجد راضية؟
راضية عن موت الغلابة
ما تسألوناش ليه بنهاجر
وبنسيبها
ما تسألوناش ليه بنرمى
نفسنا للموت ونوهبها
إسألوها واجبروها ع الإجابة
إسألوها واجبروها ع الإجابة
احنا يا دووووب حبة غلابة
ليست هناك تعليقات:
إرسال تعليق