خطفتـنى منـى ياهــــووووه
برقتــها وحسنــها
وحـاربت طيــران عـواطـفى
بصــواريخ عشقــها
لحد م اصطادتنى ، بنشانها وقعتنى
فتحت عيونى لقتنى، أسير ف سجنها
ومحوطـانى برمـوش
جيــوش مبيرحمـوش
واقفـين زى الوحوش
والقلب سلم لغرامها حيران فسحرها
لا قـدر يقــاوم شقـــاوتهــا
ولا حتـى يصـــدها
قالت لى ، خــط سيـرك سليــم
قلت لها ، إرحمـى خلـى قلبك حليم
قالت لى ، محتــاج قاضى رحيـم
قلت لها ، احكـمى بعيــــونك انت
وانا راضـى بحكمـــها
لقتها فردت ايديها وخدتنى فحضنها
فضلت اقـاوم واعــافر
ومعرفش ان قلـبى سافر
وقال قتيل عيـونها مش هبعد عنها
ومن النهارده هعيش ف دولة قلبـها
واعــوم ف بحر عيـونها
وارتاح علـى شطــها
ونبضـى يكــــون وسـادتهــا
و حيـــاتى مهــــرها
انا محتــاج حبيبه تحسـنى واحسها
ولما اتعب ألاقى راحتى على صدرها
والحساد يحسدونا،والأحباب يرقونا
ويقولوا
يابخـت قلبك بيها ،وهى مين قدها
بقلمى// صابر الطوخى
ليست هناك تعليقات:
إرسال تعليق