يا مركبة
يا مركبة مكركبة ومرككبة
فيكى مفاصل مرعبة
ناس من الغلابة مسربة
احلام بتشكى فقرها على متنها
وفرصة تعدل حظها ضاع عمرها
البحر حرق حلمها بموج الغرق
لحظة هروب فيها اتسرق
علم الغيوب للى خلق
امر ومكتوب رعد وبرق
انا عمرى ليه عايش فى ضيق
وان مت ليه ابقى حريق والا غريق
ويومى حادثة فى الطريق
انا عمرى ضاع من غير ازاى
حبة صداع برشام وشاى
قطر الصعيد لما اتحرق
مركب حسين لما غرق
فين حقهم حد اتشنق
فلست من كتر الزهق
يامصر حتى الهربانين من ذل الجوع
فى البحر ماتوا غرقانين خوف م الرجوع
حلم الطيابى العدمانين فى عيش كريم
فى مركبة مكركبة ومركبة للفقرانين
مصطفى قمر
ليست هناك تعليقات:
إرسال تعليق