......(( ليه يا وردة ؟؟ ))....
ليه حزينة يا وردة
وأرضك ليه عطشانة
الشجر حواليكي أخضر
وإنتي ليه دبلانة
صارحيني عنك يا وردة
في حالك ليه متوهانا
مايهونش عليا ياوردة
أشوف عيونك نعسانة
إنتي غالية عليا ياوردة
وفي القلب ليكي مكانة
والدنيا علينا شاهدة
و لسحر عيونك وخدانا .
ليه ياوردة لروحك معاندة
و شمسك ليه حيرانة
حياتنا ما تستحمل مناهدة
و لورد خدك مشوقانا
عيني ياوردة عليكي باردة
حتي وإنتي دبلانة
و العيون ليكي حاسدة
وفي حسن أدك مدوبانا
ليه ياوردة عنيكي شاردة
والدنيا ليا وليكي بايعانا
تعالي ننسي الزمن ده
ونصفي بالحب سمانا
ونشتري روحنا النهار ده
ونعيش سوا علي هوانا
د/عمر عبد الجواد عبد العزيز
ليست هناك تعليقات:
إرسال تعليق